According to the Quran-e-Karim, all mankind are equal(تمام انسان برابر ہیں),& that Allah does not look to our race or color, but to our piety and righteous actions.[49:13]
ضلع خوشاب کی قدیم ترین آبادیوں میں سے ایک آبادی ہے، موسم کے لحاظ سے گرم مگر خوبصورت آبادی وادئ سون سے پہلے دامن مہاڑ میں واقع ہے، مہاڑ یا پربت مقامی زبان میں پہاڑ کو کہتے ہیں،
موضع کنڈ کی آبادی میں 95 فیصد سے زائد لوگ حضرت قطب شاہ رحمۃ اللہ علیہ کی اولاد سے ہیں جنہیں عرفِ عام میں اعوان کہا جاتا ہے، کنڈ میں آباد اعوانوں کی تاریخ کافی پرانی ہے، سلطان محمود عزنوی دور میں حضرت قطب شاہ عرب شریف سے آنے والے قافلوں میں بغرضِ جہاد آئے، آپ کے بعد آپکی اولاد سے دو بیٹے عبد اللہ گورڑہ اور محمد کندلان ( کنڈان قوم کے جدِ امجد) دو مختلف اوقات میں جہاد کی غرض سے برصغیر میں آئے تاہم دوسری دفع عبد اللہ گورڑہ نے جام شھادت نوش کیا اور موجودہ مقام دادا گورڑہ پہ آپ کو ایک سال کے لیے امانتاً دفن کیا گیا ، جب ایک سال بعد شھید کی میت کو بغداد شریف لے جایا جانے لگا تو قافلے کے کثیر تعداد میں لوگوں نے وادئ سون اور دامن مہاڑ میں اپنی عارضی/ مستقل پناہ گاہیں بنا لی تھیں چنانچہ انہوں نے قافلے کے ساتھ جانے کی بجائے یہیں رہنے کو ترجیح دی، انہی رہ جانے والے لوگوں میں عبد اللہ گورڑہ اور محمد کندلان کی اولاد بھی تھی،
بنیادی طور مؤرخین کنڈ کی تاریخ یہیں سے ہی شروع کرتے ہیں، کنڈ کی وجہ تسمیہ بھی دلچسپی سے خالی نہیں ہے، محمد کندلان کی اولاد نے سب سے پہلے ایک بستی تعمیر کی جسے کَند کا نام دیا گیا، جو حوادثِ زمانہ کے ساتھ ساتھ تبدیل ہوتے ہوتے کُنڈ کے نام سے جانا جانے لگا،
1857 کی جنگ آزادی میں جب برصغیر مکمل طور پر مسلمانوں کے ہاتھ سے نکل گیا اور مسلم آبادیوں پر شب خون مارے جانے لگے تو اس وقت کنڈ کی آبادی موجودہ ڈیرہ کیلہ سے تقریباً ایک کلومیٹر شمال میں ایک پہاڑی کے دامن موجود تھی، جن میں کچھ لوگ گلہ بانی اور زراعت سے وابستہ تھے اور کچھ قریب سے گزرنے والی سرکاری ( لونڑی ) سڑک پر گزرنے والے قافلوں سے چھینا جھپٹی کرکے اپنی گزر اوقات کرتے رہتے تھے، اس جگہ کو اب پرانے کھولے ( مکانات) کہا جاتا ہے نشانات وقتاً فوقتاً اب بھی ظاہر ہوتے رہتے ہیں،
جبکہ عبد اللہ گورڑہ کی اولاد میں کچھ لوگ جنھیں روحانیت و تصوف سے شغف تھا یہاں سے شمال مغرب میں بالکل الگ ایک وادی آباد کی جسے اب چپھڑ شریف کے نام سے جانا جاتا ہے ،
جب مسلم آبادیوں پر سکھوں اور ہندوؤں کے حملے بڑھنے لگے تو یہاں سے مذکورہ کنڈ کی آبادی شفٹ ہوئی اور دو کلومیٹر جنوب سامنے کی جانب U ٹائپ پہاڑ میں پھر مکانات تعمیر کیے اب یہ جگہ پرانا کنڈ کہلاتی ہے اور بہت سارے پرانے مکانات اب بھی موجود ہیں ، یہ جگہ ڈیرہ کیلہ سے بالکل اوپر پہاڑوں کے درمیان میں ہے۔
یہاں سے شفٹ ہو کر کنڈ کب موجودہ جگہ پر آیا اس بارے کوئی مستند روایت موجود نہیں ہے، البتہ موجودہ جگہ پر قیام پاکستان سے قبل ایک بار پھر ہندو سکھ اور مسلمان اکٹھے رہتے تھے، تاہم معیشت پہ ہندو سیٹھ قابض تھے، بنیادی طور پر کنڈ زرخیز علاقہ ہے بارانی فصلوں کا دارومدار بروقت ہونے والی بارشوں پہ ہے، اہم فصلوں میں باجرہ، جوار، چنے، کالے تِل گندم وغیرہ اہم ہیں،
شرح خواندگی ستر فیصد سے زائد ہے، لوگوں کی اکثریت افواج پاکستان میں ہے، جن میں پہلے نمبر پہ بری فوج، پھر فضائیہ اور پھر بہت کم تعداد میں لوگ نیوی میں ہیں،
ضلع خوشاب کے مایہ ناز عالم دین مولانا منصب خان سیالوی الازہری مرحوم کا تعلق کنڈ سے تھا، کنڈ کی سرزمین سے پروفیسرز بھی نکلے، جن میں پروفیسر محمد حیات اعوان ( ڈھڈی) پروفیسر محمد اعظم کنڈان، پروفیسر فتح محمد اعوان (حفظال) شامل ہیں ، اسی دھرتی سے دو سپوت برگیڈیئر کے عہدے تک جا چکے ، برگیڈیئر سرفراز اعوان ( دربال ) مرحوم اور برگیڈیئر ڈاکٹر محمد فیاض ملک ( کنڈان) حاضر سروس ہیں، ایک مایہ ناز سپوت پاک فضائیہ میں ہواباز شہر یار کنڈان بھی کنڈ سے ہی تعلق رکھنا ہے،
پرائمری اور مڈل سکولز کے علاوہ سرزمین کنڈ کے پاس بچوں اور بچیوں کا ایک ایک کالج بھی موجود ہے ، کنڈ کے میدان سیاست میں کسی زمانے میں دو فیملیوں ( ملک محمد خان اور خدا یار ) کا راج رہا تاہم تحریک انصاف کی انٹری کے بعد نئ نسل اپنی ترجیحات تبدیل کر چکی ہے ، کنڈ کی سرزمین میں سیاسی سطح پہ ملک افتخار گندوال کام نام بھی نہیں بھلایا جا سکتا ، ملکی سطح کے دو بڑے منصوبوں کا سروے بھی کنڈ کی سرزمین سے ہو چکا ہے اگر منصوبے پایہ تکمیل تک پہنچے تو کنڈ کو انشاء اللہ بہت بڑا فائدہ ہوگا، ایک منصوبہ سی پیک کا للہ انٹر چینج سے موسیٰ خیل تک موٹروے برانچ اور دوسرا منصوبہ کالاباغ ڈیم بننے کی صورت میں نہر کا ہے یہ سروے تقریباً 30 سال قبل ہوا تھا، لیکن کون جیتا ہے تیری زلف کے سر ہونے تک،
اسی کنڈ کی سرزمین ناڑہ کے مقام پر 1971 کی جنگ میں دشمن کا جہاز ہمارے شاہینوں مار گرایا تھا،
اس سرزمین میں بے شمار اولیاء کرام کے مزارات بھی موجود ہیں۔ہیں۔
قطب شاہی علوی کھوکھر میاں محمد یعقوب علوی بیروٹوی دیوال ڈھرنال اعوان پورہ اللہ یار خان یوسف جبریل ڈھوک اعوان ٹی سی ایس کورئیر Awan and Other Tribes Population سلطان بازید محمد چھنی تاجہ ریحان بیروٹ کھودے غلام مرتضٰی ملک شہید حکیم احمد الدین بھرپور واصف علی واصف خواجہ شمس الدین سیالوی ابوالفضل کرم الدین دبیر حافظ غلام احمد حافظ محمد مقبول الرسول للہی قاضی شمس الدین حضرت سلطان باہو بابر افتخار دیگر مسلم قبائل غلام نبی للہی اولمپیئن ملک محمد نواز میجر جنرل تجمل حسین ملک مل اعوان مکھڈ شریف محمد حمید شاہد عبدالستار علوی خواجہ زین الدین شور کوٹ ملک منور خان نامزد نشان حیدر جبی غلام اللہ خان محمد جمال الدین ملتانی حفیظ ماہی محمد یار فریدی مرزا عبدالقادر بیدل غازی سید سالار مسعود خواجہ امیر احمد بسالوی محمد اکرم نشان حیدر سلطان غلام دستگیر فخر کشمیر کندوال گنگ اعوان خادم حسین رضوی احسان الحق قادری گنگال اعوان سید حامد سبزواری ردھانی ائیر مارشل نور خان اعوان دوسروں کے نکتہ نظر سے مرزا مظہر جان جاناں تریڑ اعوان برادری بھمب اعوان یاسین ملک بھون سعد حسین رضوی ملک میاں محمد ملک المدرسین عطا محمد بندیالوی دامن مہاڑ قاضی سلطان محمود قاضی نور عالم تاریخ اعوان حزیر اعوان خواجہ فضل الدین کلیامی بھاگوال حافظ دوست محمد للہی چاہ اگرال ملک پور اعوان شریف بلال آباد ڈیرۂ اعوان نور سلطان القادری سلطان ریاض الحسن مجوکہ میاں صاحب قصہ خوانی ڈھوک بدہال مرجان اعوان ڈھوک بازا راستی بی بی انور بیگ اعوان خواجہ احمد خان میروی پنڈوال شیر محمد اعوان محمد علی مکھڈوی مشعال ملک اوچھالی سیلواں موڑہ گنگال شیر شاہ اعوان وکٹوریہ کراس اعوان کڑی سلوئی شریف غازی ممتاز قادری ڈھوک گنگال اعوان جینیاتی تھیوری اعوان کلاں میاں محمد جیون گھلی اعوان خواجہ شمس الدین سید پوری محمد عبیداللہ علوی احمد ندیم قاسمی سولنگی اعوان